ՀՀ ԱՆ. Դադարեցվել է շրջանառությունը

Առողջապահության նախարարի հրամանով դադարեցվել Հայաստանի «ՆՕԿԻ Հ/Ձ ՍՊԸ, Նոր-Խարբերդ, Արարատի մարզ» դեղագործական ընկերության արտադրության «Կարդիո-ԱՍ, ացետիլսալիցիլաթթու, դեղահատեր, 100մգ, բլիստերում (20/2x10/)» դեղի 118, 218, 317 սերիաների շրջանառությունը Հայաստանի Հանրապետությունում:

 «Ակադեմիկոս Էմիլ Գաբրիելյանի անվան Դեղերի և բժշկական տեխնոլոգիաների փորձագիտական կենտրոն» ՓԲԸ-ի 2018 թվականի դեկտեմբերի 28-ի թիվ 0114194218 եզրակացության համաձայն` «Կարդիո-ԱՍ, ացետիլսալիցիլաթթու, դեղահատեր, 100մգ, բլիստերում (20/2x10/)»`  118, 218, 317 սերիաների դեղը ձեռքի մեջ փշրվում է, ունի տհաճ համ: Դեղի նշված սերիաների լաբորատոր փորձաքննությամբ պարզվել է, որ չեն համապատասխանում «նկարագրություն» կետով` անհարթ մակերեսով, արտահայտված քացախաթթվի հոտով, բլիստերում որոշ դեղահատերի վրա «ASPIRIN100» դրվագրվածի բացակայությամբ, իսկ 317 սերիան չի համապատասխանում նաև ացետիլսալիցիլաթթվի քանակ կետով` 95մգ/դհ-ի փոխարեն 86,3 մգ/դհ-84,67 մգ/դհ է:

Նշված դեղը արտադրող դեղագործական կազմակերպությանը հանձնարարվել է հանրապետության տարածքում գործող դեղերի մեծածախ իրացմամբ զբաղվող, դեղատնային գործունեություն իրականացող և բժշկական կազմակերպություններից հետ հավաքել առկա խմբաքանակները:

Հարցեր, պատասխաններ, մեկնաբանություններ